L’alumnáu de 1º y 4º ESO algama el 1º Premiu de Creación Audiovisual nes sos categoríes y los alumno
Los nuesos escolinos de Llingua asturiana tan de norabona. Algamaron dos primeros premios (1º ESO y 4º ESO) nel VIII CERTAME DE CREACIÓN AUDIOVISUAL EN LLINGUA ASTURIANA / GALLEGO-ASTURIANU y el 3º premiu nel VI CERTAME DE TEATRU ESCOLAR EN LLINGUA ASTURIANA / GALLEGO-ASTURIANU.
Pal Certame de Creación Audiovisual l’alumnáu de 1º y 4º ESO participó con dos videos baxo los títulos Da-y vida a la Llingua y Asturies, una tierra que se fala conforme a les bases del certame, esto ye, la realización d'un videu domésticu de creación orixinal y llibre col lema “#Yo apúntome” pa la so posterior difusión animando a matriculase en Llingua Asturiana y Lliteratura nel cursu 2019/2020. Al premiu presentáronse alumnos y alumnes de too Asturies d’Educación Primaria, Educación Secundaria, FP Básica, FP y Bachilleratu.
Los premios van entregase nun actu entamáu pola Conseyería d’Educación y Cultura'l vienres 3 de mayu nel C.P. Lorenzo Novo Mier (Uviéu), a les 12:00 hores onde se va facer l’homenaxe escolar al Día de les Lletres Asturianes y que cuntará cola presencia, ente otros, del conseyeru d’Educación y Cultura.
Per otru llau, los alumnos de 2º ESO, cola so representación de la obra de teatru La Cueva, algamó‘l 3º premiu nel VI CERTAME DE TEATRU ESCOLAR EN LLINGUA ASTURIANA / GALLEGO-ASTURIANU, una convocatoria a la que se presenten tolos centros educativos de la rede asturiana qu’imparten Llingua Asturiana/Gallego-Asturianu. L’actu d’entrega de premios va celebrase’l xueves, 2 de mayu, nel Teatru Armando Palacio Valdés d’Avilés, a les 18.00 hores. Nél van representase les obres ganadores de los primeros premios de monólogos y la meyor obra de Primaria y Secundaria, amás de facese entrega de los premios en toles categoríes.
¡Norabona a toos ellos pol so bon facer, pola so imaxinación, polo bonos actores que son… y por dar vida a la Llingua!
